1. Obxeto da convocatoria.

Selección de estudantes de música aspirantes a ser membros integrantes da Academia Contemporánea Via Stellae (ACVS), institución dependente do Festival Via Stellae, co obxecto de participar no curso de cámara que terá lugar durante o festival do 2010.

2. Requisitos dos solicitantes.

a) Estar matriculados nalgún Conservatorio Superior de Música, ou terse graduado nos últimos dous anos.
Alumnos do Conservatorio Profesional de Música de Santiago de Compostela (sede do curso).

b) Ser español/a, maior de idade, cidadano/a de países da Unión Europea ou nacional do Reino de Noruega ou da República de Islandia.
Quen non estando incluidos no anterior apartado se atopen en España en situación de legalidade.

3. Presentación de instancias

As instancias dirixiranse a:
Alejandro Sanz Redondo
Director artístico da ACVS
r/ Manuel de Falla 19
15173 Oleiros (A Coruña)

Tamén poderán ser remitidas por correo electrónico ao seguinte enderezo:
academiacontemporanea@viastellae.es

A instancia deberá ir acompañada do curriculum vitae, con xustificación dos méritos alegados e das calificacións académicas do último curso aprobado.
Poderase solicitar a realización das probas para os instrumentos que figuren nas bases da ACVS, é dicir, violín, contrabaixo, clarinete, fagot, trompeta, trombón e percusión.
O prazo de presentación de solicitudes rematará o 24 de maio ás 14 horas.

4. Tribunal calificador

A selección dos aspirantes efectuarase por unha comisión técnica integrada polo director artístico da ACVS, e por aqueles profesionais que o director considere convintes para cada especialidade.

5. Procedemento de selección

O tribunal calificador terá en conta os méritos do curriculum, as calificacións académicas e as probas prácticas que efectúe o solicitante.
Ditas probas consistirán en:
Interpretación dunha obra clásica libremente elexida polo solicitante (sonata, concerto, etc.), a excepción dos instrumentos nos que se indique obra obrigada (Anexo I). A copia da partitura (coa parte de piano) deberá ser enviada ao Festival Via Stellae xunto coa instancia. Os aspirantes de percusión terán que preparar tres obras (libres), unha de marimba, unha de caixa e unha de vibráfono, e mandar copia das partituras xunto coa instancia.

6. Realización das probas

As probas para o acceso á ACVS terán lugar os días 29 de maio e 5 de xuño (indicarase con antelación a hora aproximada do seu comezo) no Conservatorio Profesional de Música de Santiago de Compostela, segundo detalle no Anexo II destas bases.

7. Propostas dos seleccionados

Una vez efectuada a selección polo tribunal, os alumnos seleccionados confirmarán por escrito a súa participación na ACVS, asumindo o compromiso de acudir a todos os ensaios e concertos propostos pola Academia.

8. Obrigas dos alumnos activos da ACVS

Deberán asistir obrigatoriamente a todas as clases, ensaios, concertos e actividades programadas pola ACVS.
No suposto de imposibilidade de asistir a algunha das actividades, deberá xustificarse convenentemente no momento da confirmación e o director artístico da Academia valorará a posible substitución do alumno por causas de desenvolvemento musical da Academia. A falta desta xustificación poderá derivar na expulsión do alumno.

9. Alumnos reserva da ACVS

Os alumnos reserva poderán ser convocados a algunha das actividades programadas pola ACVS. A ACVS resérvase o dereito de convocar aos alumnos reserva.

10. Aloxamento

Aos alumnos admitidos na ACVS proporcionaráselles o hospedaxe e media pensión, que incluirá o almorzo e a comida. As ceas correrán a cargo do alumno.
A Academia non se fará cargo de ningún gasto de viaxe dos alumnos que non teña que ver coa realización de concertos ou actividades organizadas pola academia.

11. Diplomas de asistencia

Ao remate do curso, os alumnos recibirán un diploma de asistencia a este.

12. Os alumnos máis destacados durante o curso académico poderán ser tomados en consideración para futuras participacións no Festival Via Stellae.

13. As incidencias que se produzan na execución destas bases serán resoltas polo tribunal calificador.

14. A Academia aconsella aos alumnos participantes asegurar os seus instrumentos antes da participación no curso. A Academia non se responsabilizará de ningún dano ou roubo que poda ocurrir a estes.

ANEXO I

VIOLIN Unha obra libre de calquera estilo
CONTRABAIXO Unha obra libre de calquera estilo
CLARINETE A Rapsodia para clarinete e piano de Debussy
FAGOT Unha obra libre de calquera estilo
TROMPETA Obra obrigada. C. Hohne: Fantasía eslava
TROMBÓN TENOR Unha obra a elixir entre as dúas seguintes: F. David: Concertino en mi bemol / Guilmant: Morceau symphonique op 88
PERCUSIÓN
MARIMBA: Unha obra libre de calquera estilo
CAJA: Unha obra libre de calquera estilo
VIBRÁFONO: Unha obra libre de calquera estilo

ANEXO II

CALENDARIO DE AUDICIÓNS PARA A ACVS 2010

Día 29 de maio
Vento:
Fagot
Clarinete
Trompeta
Trombón
Día 5 de xuño:
Violín
Contrabaixo
Percusión

Descargar instancia